ചെന്നൈ: കൂടങ്കുളം ആണവനിലയത്തിനെതിരെ പ്രദേശവാസികള്‍ നടത്തുന്ന സമാധാനപരമായ പോരാട്ടത്തെ അടിച്ചമര്‍ത്തരുതെന്ന് ആംനസ്റ്റി ഇന്റര്‍നാഷണല്‍ പ്രധാനമന്ത്രി മന്‍മോഹന്‍സിങ്ങിന് അയച്ച കത്തില്‍ ആവശ്യപ്പെട്ടു. നിലയത്തിനെതിരെ സമരം നടത്തിയതിന്റെ പേരില്‍ അറസ്റ്റിലായ എല്ലാ പ്രതിഷേധക്കാരെയും മോചിപ്പിക്കണമെന്നും ആംനസ്റ്റി പ്രധാനമന്ത്രിയോട് ആവശ്യപ്പെട്ടു.

രാജ്യാന്തര നിയമങ്ങളനുസരിച്ച് സമാധാനപരമായി സംഘടിക്കാനും സ്വന്തം വികാരങ്ങള്‍ പ്രകടിപ്പിക്കാനും ജനങ്ങള്‍ക്ക് അവകാശമുണ്ട്. ആണവനിലയവുമായി ബന്ധപ്പെട്ട ജനങ്ങളുടെ സുരക്ഷാ ആശങ്കകള്‍ക്ക് തൃപ്തികരമായ മറപടി നല്‍കുന്നതില്‍ പരാജയപ്പെട്ടെന്നും ആനംസ്റ്റി കത്തില്‍ ചൂണ്ടിക്കാട്ടുന്നു. സമാധാനപരമായ പ്രക്ഷോഭങ്ങളെയും പ്രക്ഷോഭകരെയും അടിച്ചമര്‍ത്തുന്നത് ഉടന്‍ അവസാനിപ്പിക്കണം സ്വിറ്റ്‌സര്‍ലാന്റിലെ പീറ്റര്‍ കേറ്റന്‍ ഉള്‍പ്പെടെ മുതിര്‍ന്ന ആംനസ്റ്റി അംഗങ്ങള്‍ ഒപ്പുവെച്ച കത്തില്‍ പറയുന്നു. കത്തിന്റെ പകര്‍പ്പ് കൂടങ്കുളം ആണവനിലയത്തിനെതിരെ സമരം നടത്തുന്ന പീപ്പ്ള്‍സ് മൂവ്‌മെന്റ് എഗന്‍സ്റ്റ് ന്യൂക്ലിയര്‍ എനര്‍ജിക്കും അയച്ചിട്ടുണ്ട്.

കൂടങ്കുളം സമരവുമായി ബന്ധപ്പെട്ട് കള്ളക്കേസ് ചുമത്തി ജയിലിലടച്ച 180 പേരെ ഉടന്‍ വിട്ടയക്കാന്‍ പ്രധാനമന്ത്രി നടപടിയെടുക്കണം. സമരത്തിന് നേതൃത്വം നല്‍കിയ എസ്.പി ഉദയകുമാറിന്റെ വീട് റെയ്ഡ് ചെയ്തതിലും സമരക്കാരെ പിന്തുണയ്ക്കുന്ന കടയുടമകളെ ഭീഷണിപ്പെടുത്തിയതിലും ആനംസ്റ്റി ഭീതി രേഖപ്പെടുത്തി.

കഴിഞ്ഞ മാസം നടന്ന അനിശ്ചിതകാല നിരാഹാരവുമായി ബന്ധപ്പെട്ട് ജയിലിലടച്ച 180 പേരില്‍ 25 പേര്‍ ഒഴികെയുള്ളവര്‍ ജാമ്യത്തിലിറങ്ങി. രാജ്യദ്രോഹം, മാരകായുധങ്ങളുമായി കലാപമുണ്ടാക്കല്‍ തുടങ്ങിയ കുറ്റങ്ങളാണ് ഇവര്‍ക്കെതിരെ ചുമത്തിയിരിക്കുന്നത്. ജീവപര്യന്തം തടവുശിക്ഷ ലഭിക്കാവുന്ന കുറ്റങ്ങളാണിവ. കൂടങ്കുളം സമരവുമായി ബന്ധപ്പെട്ട് ഇതുവരെ 55,000 പേര്‍ക്കെതിരെ പൊലീസ് കേസെടുത്തിട്ടുണ്ട്.

കുവൈത്ത് സിറ്റി:    കോഴിക്കോട് ജില്ലാ എന്‍.ആര്‍.ഐ അസോസിയേഷന്‍ ജനറല്‍ കൗണ്‍സില്‍ മെയ്‌ 3 വ്യാഴം രാത്രി 7:30 അബ്ബാസിയ രുചി ഓഡിറ്റോറിയത്തില്‍ ചേരും. വരുന്ന ആറുമാസക്കാലത്തെ പ്രവര്‍ത്തന പരിപാടികള്‍ക്ക് കൗണ്‍സില്‍ യോഗം അന്തിമ രൂപം നല്‍കും. നവംബര്‍ 2 ന് നടക്കുന്ന മലബാര്‍ മഹോത്സവം ’2012 ന്‍റെ സ്വാഗത സംഘം രൂപീകരണവും കൗണ്‍സില്‍ മീറ്റിനോടനുബന്ധിച്ച് നടക്കുന്നതാണ്.

“ഇസ് ലാം ശാന്തിയുടെ മതം” എന്ന തലക്കെട്ടില് കുവൈത്ത് കേരള ഇസ് ലാഹി സെന്ററിന്റെ കാന്പയിന്റെ ഭാഗമായി “പ്രവാചകരും വിമോചനദൌത്യവും” എന്ന വിഷയത്തില് സംഘടിപ്പിക്കുന്ന ചര്ച്ചാ സമ്മേളനത്തിന്റെ ഒരുക്കങ്ങള് പൂര്ത്തിയായതായി സെന്റര് ഭാരവാഹികള് പത്രക്കുറിപ്പില് അറിയിച്ചു. സാല്മിയ യൂനിറ്റിന്റെ ആഭിമുഖ്യത്തില് ഫിബ്രുവരി 26 ഞായറാഴ്ച വൈകിട്ട് 6 മണിക്ക് സാല്മിയ പ്രൈവറ്റ് എഡ്യൂക്കേഷന് ഹാളില് വെച്ച് നടക്കുന്ന പരിപാടിയില് കുവൈറ്റിലെ വിവിധ സംഘടനകളെ പ്രതിനിധീകരിച്ച് പി.കെ.ഹൈദരലി (കെ.എം.സി.സി), ടി.വി.ഹികമത്ത് (കല), അന് വര് സഈദ് (കെ.ഐ.ജി), ഹരീഷ് തൃപ്പൂണിത്തറ (ഒ.ഐ.സി.സി), റോയ് വര്ഗീസ് (മാര്തോമാ സഭ), കെ.സി.മുഹമ്മദ് നജീബ് (കെ.കെ.ഐ.സി) തുടങ്ങിയവര് പങ്കെടുക്കും. പരിപാടിയില് ഔഖാഫ് മന്ത്രാലയത്തിന്റെ അതിഥിയും നിച്ച് ഓഫ് ട്രൂത്ത് പ്രബോധകനുമായ ആദില് അത്വീഫ് വിഷയാവതരണവും ക്രോഡീകരണവും നടത്തും. പരിപാടിയിലേക്ക് എല്ലാവരേയും സ്വാഗതം ചെയ്യുന്നതായി പ്രോഗ്രാം സ്വാഗതസംഘം ചെയര്മാന് മൂസ തോടന്നൂരും ജനറല് കണ് വീനര് സി.പി.അബ്ദുല് അസീസും പത്രക്കുറിപ്പില് അറിയിച്ചു. പരിപാടിയില് സ്ത്രീകള്ക്ക് പ്രത്യേക സൌകര്യമേര്പ്പെടുത്തിയിട്ടുണ്ടെന്നും അവര് അറിയിച്ചു. വിശദ വിവരങ്ങള്ക്ക് 99113425, 66014181 എന്നീ നന്പറുകളില് ബന്ധപ്പെടാവുന്നതാണ്.

ഓണത്തനിമ 2011-നോടനുബന്ധിച്ചു നടന്ന ഏഴാമത് ദേശീയ വടംവലി ചാമ്പ്യന്‍ഷിപ്പിലെ വിജയികള്‍ക്കുള്ള സമ്മാനങ്ങള്‍ വിതരണം ചെയ്തു.
ജോണ്‍സണ്‍ മാസ്റ്റര്‍ അനുസ്മരണ സം•ീതസായാഹ്നത്തോടനുബന്ധിച്ചു നടന്ന ചടങ്ങില്‍ സംയുക്തജേതാക്കളായ ഫ്രണ്ട്ലൈന്‍ ചലഞ്ചേഴ്സ്-സി ടീമിന് അപ്സരാ മെഹമ്മൂദും, വെഫ്പ്സാ ടീം അബ്ബാസിയ-എ-യ്ക്ക് കുഞ്ഞഹമ്മദ് പേരാമ്പ്രയും ട്രോഫികളും ക്യാഷ് അവാര്‍ഡും വ്യക്തി•ത മെഡലുകളും സമ്മാനിച്ചു.
മൂന്നാം സ്ഥാനം കരസ്ഥമാക്കിയ കെന്റ് ചലഞ്ചേഴ്സ്-ബി-യും, മികച്ച പ്രകടനത്തിന് തൃശൂര്‍ അസ്സോസിയേഷന്‍ ടീമും, ബെസ്റ്റ് ബാക്ക് – ആന്റണി ജോര്‍ജ്ജ് (ഓര്‍മ്മ കെ.കെ.ഡി.എ), ബെസ്റ്റ് ഫ്രണ്ട് – ശ്യാം (പംകിന്‍ റോയല്‍-എ), ബെസ്റ്റ് കോച്ച് – മോന്‍സണ്‍ (ഫ്രണ്ട്ലൈന്‍ ചലഞ്ചേഴ്സ്-സി) എന്നിവരും ചടങ്ങില്‍ സമ്മാനങ്ങള്‍ ഏറ്റുവാങ്ങി.

സെന്റ് ഗ്രിഗാറിയോസ് ഒാര്‍ത്തഡോക്സ് മഹാഇടവകയുടെ ആഭിമുഖ്യത്തില്‍ നടക്കുന്ന പരിശുദ്ധ കാതോലിക്കാ ബാവായുടെ സ്വീകരണചടങ്ങുകള്‍, കാതോലിക്കേറ്റ് ശതാബ്ദി ആഘോഷങ്ങള്‍, ഇടവകയുടെ ആദ്യഫലപ്പെരുന്നാള്‍ എന്നിവയ്ക്ക് നേതൃത്വം നല്‍കുവാന്‍ നവംബര്‍ 8-ന് കുവൈറ്റില്‍ എത്തിച്ചേര്‍ന്ന കല്‍ക്കത്താ ഭദ്രാസനാധിപന്‍ അഭിവന്ദ്യ ഡോ. ജോസഫ് മാര്‍ ദിവന്ന്യാസിയോസ് മെത്രാപ്പോലിത്തായ്ക്ക് കുവൈറ്റ് വിമാനത്താവളത്തില്‍ ഊഷ്മളമായ വരവേല്‍പ്പ് നല്‍കി.

ഇരുപത്തി മൂന്നാം വയസ്സില്‍ ജനിച്ചു വളര്‍ന്ന വീടും വളര്‍ത്തിയ രക്ഷിതാക്കളെയും സ്വന്തം ഗ്രാമവും വിട്ടു ബെര്‍മിംഗ്ഹാം എന്നാ ഈ മാസ്മര ലോകത്തേക്ക് ജീവിതം തുന്നി പിടിപ്പിക്കാന്‍ പുറപ്പെടുമ്പോള്‍ തന്റെ ജീവിതത്തില്‍ ഇത്രയേറെ നഷ്ടങ്ങള്‍ ഉണ്ടാവുമെന്ന് പാവം അവള്‍ ഒരിക്കലും കരുതിയിരുന്നില്ല . അവളുടെ കൊച്ചു ഗ്രാമവും അതിലെ കിളിക്കൂട്‌ പോലെയുള്ള കൊച്ചു പുരയിടവും സ്നേഹിക്കാനും സഹായിക്കാനും മാത്രം അറിയാവുന്ന അയല്‍വാസികളും സഖപാടികളും അവളുടെ പ്രിയപ്പെട്ട കൃഷ്ണന്റെ അമ്പലവും അമ്പലക്കുളവും അവിടുത്തെ ഓരോ പുല്‍ക്കൊടിയും അവളുടെ ആത്മാവിന്റെ   ദാഹം തന്നെ ആയിരുന്നു ..സ്നേഹത്തോടെ അവള്‍ വളര്‍ത്തിയ കുറ്റിമുല്ലയും ചെണ്ടുമല്ലിയും ചുവന്നതും വെളുത്തതുമായ റോസാ ചെടികളും കണ്കുളിരെ വിരിഞ്ഞു നില്‍കുന്ന ജെമന്തിയും തന്റെ നിശാസ്വപ്നങ്ങള്‍ക്ക് ഊര്‍ജം പകരുന്ന പാലപ്പൂവിന്റെ  ഗന്ധവും ഗന്ധരാജന്റെ സുഗന്ധവും അവള്‍ക്കു നഷ്ടപെട്ടിരിക്കുന്നു ..

ഓണവും വിഷുവും തിരുവാതിരയും കാവിലെ വേലകളും തെയ്യവും തോറ്റംപാട്ടുമെല്ലാം അവളുടെ മനസ്സില്‍ ഇന്നും മായാതെ ഒരു ചിത്ര ശലഭത്തിന്റെ നിറപ്പകിട്ടോടെ പറന്നിരങ്ങുന്നത് അവളൊരു സ്വപ്നത്തിലെന്ന പോലെ ഓര്‍ത്തു . അമ്മയെന്നും രാവിലെ ഉണ്ടാക്കി തരാറുള്ള, തേങ്ങയും ശര്‍ക്കരയും ചേര്‍ത്ത് ഉണ്ടാക്കുന്ന വാഴയിലയില്‍ പൊതിഞ്ഞ അടയും, കണ്ണന്‍ ചിരട്ടയില്‍ പുഴുങ്ങിയ ചിരട്ട പുട്ടും കടല കറിയും എല്ലാം തന്റെ ജീവിതത്തില്‍ നിന്നും എന്നെന്നേക്കുമായി നഷ്ടപെട്ടിരിക്കുന്നു . അവളൊരിക്കലും തന്റെ ഗ്രാമത്തെയും അവിടുത്തെ നല്ലവരായ ജനങ്ങളെയും വിട്ടു മറ്റൊരു ലോകത്തെ കുറിച്ച് ചിന്തിച്ചിട്ട് പോലും ഉണ്ടായിരുന്നില്ല . അത്ര സ്വര്‍ഗ്ഗ തുല്യമായ ഒരു ജീവിതത്തെ കുറിച്ച് തന്റെ മക്കള്കൊന്നും അറിയുക പോലുമില്ല . താന്‍ പറഞ്ഞു കൊടുക്കുമ്പോള്‍ അവര്‍ വളരെ പുച്ഛത്തോടെ ആയിരുന്നു  ആ കഥകളൊക്കെ കേട്ടിരുന്നത്. ഒരിക്കല്‍ നാട്ടില്‍ അവധിക്കു ചെന്നപ്പോള്‍ അമ്മ വായില്‍ വെച്ച് കൊടുത്ത ഉണ്ണിയപ്പം തന്റെ മക്കള്‍ അവച്ച്ജ്ഞയോടെ തുപ്പി കളഞ്ഞത് അവള്‍ വേദനയോടെ ഓര്‍ത്തു . പാസ്തയും സാന്‍വിച്ചും നൂഡില്‍സും മാത്രം മതിയെന്ന് വാശി പിടിക്കുന്ന തന്റെ ഈ മക്കള്‍ ! അമ്മയുണ്ടാക്കി നല്‍കിയ, ഓര്‍ക്കുമ്പോള്‍ കൊതിയൂറുന്ന  നമ്മുടെ നാടന്‍ പലഹാരങ്ങള്‍ ഒന്ന് രുചിച്ചു നോക്കാന്‍ പോലും തയാര്‍ ആവാത്ത തന്റെ മക്കളെ കുറിച് ഓര്‍ത്തപ്പോള്‍ അവള്‍ക്കു അവളോട്‌ തന്നെ പുച്ഛം തോന്നി.

പ്രഭാകരന്‍ ചേട്ടന്റെ മകള്‍ അശ്വതിയും ഒത്തു ഈരിഴ തോര്‍ത്തുകൊണ്ട് മാനത്തെ പുള്ളി കണ്ണനെയും പരല്‍ മീനുകളെയും പിടിക്കാന്‍ ഇറങ്ങാറുള്ള കൈതതോടും അതോനോട് ചേര്‍ന്നുള്ള മൂവാണ്ടന്‍ മാവില്‍ നിന്നും കാറ്റടിക്കുമ്പോള്‍ ഇപ്പൊ  വീഴും എന്ന മട്ടില്‍ തന്നെ എന്നും കൊതിപ്പികാറുള്ള മാമ്പഴവും. പാട വരമ്പിലെ കറുകയും തുമ്പയും മുക്കുറ്റിയും തുളസിയും കുറുന്തോട്ടി ചെടിയും എല്ലാം അവള്കിന്നു ഒരു കാണാക്കനി ആയിരിക്കുന്നു. സ്കൂളിനു പടിഞ്ഞാറു വശത്തായി ഉണ്ടായിരുന്ന വാളന്‍ പുളി മരവും നെല്ലിമരവും അതിനു ചുവട്ടില്‍ വീഴുന്ന നെല്ലിക്ക വാരിയെടുത്ത് ഉപ്പു കൂട്ടി തിന്നുന്നതും അതിനു ശേഷം സ്കൂളിനടുത്തുള്ള പഞ്ചായത്ത് കിണറില്‍ നിന്നും ഓട്ട ബക്കറ്റില്‍ വെള്ളം കോരി കുടിക്കുന്നതും അപ്പോള്‍ രുചിക്കുന്ന മധുരവും എല്ലാം തനിക് നഷ്ട പെട്ടിരിക്കുന്നു . തെക്കേ തൊടിയില്‍ ഓണത്തിന് ഇടാറുള്ള മാവിന്‍ കൊമ്പിലെ ഊഞ്ഞാലും അതില്‍ എഴുനേറ്റു നിന്ന് കുതിച് ആടി മുകളിലെ കൊമ്പില്‍ നിന്നും തളിരില പറിക്കുന്നതും  എല്ലാം ഓര്‍ത്തപ്പോള്‍ അവളുടെ മനസ്സില്‍ ഒരിക്കലും തിരിച്ചു കിട്ടാത്ത ആ ബാല്യ കൌമാര ഓര്‍മ്മകള്‍ ഒരു ചെറു നൊമ്പരം പടര്‍ത്തി..

പ്രീഡിഗ്രി ക്ക് പഠിക്കുമ്പോള്‍ കോളേജില്‍ നിന്ന് തിരിച്ചു വരുന്ന വഴി തന്റെ വരവും പ്രതീക്ഷിച്ചു വായന ശാലയുടെ മുമ്പിലെ കലുങ്കില്‍ ഇരിക്കാറുള്ള   രാജേഷേട്ടനും താന്‍ നടന്നു നീങ്ങുമ്പോള്‍ഇടവഴിയിലൂടെ സൈകിളില്‍ ബെല്ലടിച്ചു പതിയെ വന്നു തനിക്കാദ്യമായി നല്‍കിയ പ്രണയ ലേഖനവും അതിലെ വരികളെയും കുറിച്ച് അവള്‍ ഓര്‍ത്തു .. രാജേഷേട്ടനെ തനിക്കു അന്നേ ഇഷ്ടമായിരുന്നു.. .  വീട്ടിലെത്തിയ ഉടനെ തന്റെ അനിയത്തി രാജി മലയാളം പുസ്തകത്തില്‍ താന്‍ ആരും കാണാതെ സൂക്ഷിച്ച ആ പ്രണയ ലേഖനം പൊക്കിയെടുത്തു അച്ഛന് കൊടുത്തതും ഭയന്ന് നിന്ന തന്നെ  അമ്മ തല്ലുന്നത്‌ പോലെ തല്ലാതെ അടുത്ത് വിളിച്ചു അച്ഛന്‍ ഉപദേശിച്ചതും അവള്‍ ഓര്‍ത്തു .തന്റെ ജീവന്റെ ജീവന്‍ ആയിരുന്ന അച്ഛന്റെ മുഖം അവളുടെ മുന്നിലൂടെ ഒരു ഇളം തെന്നല്‍ സ്പര്‍ശമായി കടന്നു പോയി . പിന്നീടൊരിക്കലും രാജേഷേട്ടന്‍ തന്ന കത്തുകള്‍ അവള്‍ വാങ്ങിയിട്ടില്ല. ഇന്ന് അയാള്‍ എവിടെ ആണെന്ന് പോലും അറിയില്ല .

വെള്ളത്തുണിയില്‍ തറയില്‍ വിരിച്ചു കിടത്തിയ  അച്ഛന്റെ മൃത ദേഹത്തില്‍ പാര്‍ട്ടി ക്കാര്‍ പുതപിച്ച അരിവാളും ചുറ്റികയും വരച്ച  ചുവന്ന പട്ടും .. ആ പട്ടില്‍  പൊതിഞ്ഞ അച്ഛന്റെ മൃത ദേഹം തെക്കേ തൊടിയിലേക് എടുത്തപ്പോള്‍ അമ്മ അലമുറയിട്ടു കരഞ്ഞു തളര്‍ന്നു വീണതും അമ്മയെ അമ്മാവന്‍ മാരെടുത്തു കട്ടിലില്‍ കിടത്തിയതും അമ്മയുടെ  കഴുത്തില്‍ നിന്നും അച്ഛന്‍ കെട്ടിയ ആലില താലി വല്യച്ചന്‍ പൊട്ടിച്ചെടുക്കാന്‍ ശ്രമിച്ചപ്പോള്‍ അമ്മ കരഞ്ഞു കൊണ്ട് താലിയില്‍ പിടിച്ചതും പിനീട് അമ്മയുടെ തളര്‍ന്ന കൈ അവര്‍ താലിയില്‍ നിന്നും നീക്കി കഴുത്തില്‍ നിന്ന് താലി പൊട്ടിച്ചെടുത്ത്  അച്ഛന്റെ പട്ടടയില്‍ വെച്ചതും ഇതെല്ലം കണ്ടു കണ്ണീര്‍ വാര്ത് കോലായില്‍ ഇരിക്കുന്ന തന്റെയും തന്നോട് ചേര്‍ന്നിരിക്കുന്ന രാജിയുടെയും മുഖവും അവളുടെ മനസ്സില്‍ പതിഞ്ഞു വന്നു .

ഈ മഹാ നഗരത്തില്‍  വന്നെത്തുമ്പോള്‍ തന്റെ പ്രതീക്ഷകള്‍ അച്ഛന്‍ തങ്ങള്‍ക്കായി ബാക്കി വെച്ച് പോയ കുറച്ചു കടങ്ങളും കഷ്ടപ്പാടുകളും തീര്‍ത്തു  തകര്‍ന്നു വീഴാറായ വീടും ഒന്ന്  നന്നാക്കി പണി കഴിപ്പിക്കണം എന്ന് മാത്രമായിരുന്നു . അതിനു ശേഷം ആഗ്രഹം വളര്‍ന്നു , തന്റെ വിവാഹ സ്വപ്നങ്ങള്‍ക്ക് വര്‍ണ്ണപകിട്ടും അല്പം ആഡംബരവും കൂട്ടാനായി പിന്നീടുള്ള അദ്വാനം. വിവാഹ ശേഷം ഭര്‍ത്താവുമൊത്ത് ജോലിയുമായി ഒരു നാടോടിയെ പോലെ ബ്രിട്ടന്റെ വിവിധ ഭാഗങ്ങളില്‍ അലഞ്ഞു നടന്നു . അന്നൊന്നും സ്ഥിരമായി ഒരു വീടോ നഗരമോ തനിക്കുണ്ടായിരുന്നില്ല . ഇന്ന് താന്‍ എല്ലാം നേടി , ഇന്ന് തനിക്കു എല്ലാ ആടമ്പര ജീവിത സുഖങ്ങളും ഉണ്ട് . എങ്കിലും ഇന്ന് എനിക്ക് എന്റെ ആ ഗ്രാമത്തില്‍ എത്തിച്ചേരാന്‍ വിസ വേണം !!

കാലമെനിക്കായി മാറ്റി വെച്ചത് ഒരിക്കലും തീരാത്ത ഈ പ്രവാസ ജീവിതമാണ് . ഇനി തനിക്കൊരിക്കലും ആ ഗ്രാമത്തില്‍ എത്തിച്ചേര്‍ന്നു  ആ ഗ്രാമവാസി ആകുവാന്‍ കാലം അനുവദിക്കില്ല . തെക്കേ പറമ്പിലെ ആ ആറടി നിലത്തു മണ്ണായി അഴുകി ചേരുവാന്‍ തനിക്കിനി കഴിയില്ല . അതോര്‍ത്തപ്പോള്‍ ഏതൊരു പ്രവാസിയേയുപോലെ അവളുടെ കണ്ണുകള്‍ നിറഞ്ഞു , മനസ്സില്‍ നൊമ്പരം പടര്‍ന്നു ….പ്രവാസിയുടെ നൊമ്പരം ..
….പ്രവാസിയുടെ നൊമ്പരം ..

ബലി പെരുന്നാളിനോടനുബന്ധിച്ച് കുവൈത്ത് ഇസ്ലാമിക് സെന്റര്‍ സെന്‍ട്രല്‍ കമ്മിറ്റി മര്‍ഹബ ഈദ് ഫെസ്റ് സംഘടിപ്പിച്ചു. അബ്ബാസിയ ദാറുത്തര്‍ബിയ മദ്റസയില്‍ വെച്ച് നടന്ന ഈദ് സൌഹൃദ സംഗമം ഇസ്ലാമിക് സെന്റര്‍ ചെയര്‍മാന്‍ ശംസുദ്ധീന്‍ ഫൈസി ഉദ്ഘാടനം ചെയ്തു. പ്രസിഡന്റ് സിദ്ധീഖ് ഫൈസി അദ്ധ്യക്ഷത വഹിച്ചു. മുസ്തഫ ദാരിമി ഈദ് സന്ദേശം നല്‍കി. മന്‍സൂര്‍ ഫൈസി, ഉസ്മാന്‍ ദാരിമി, കുഞ്ഞിമുഹമ്മദ് പേരാമ്പ്ര, ഇല്‍യാസ് മൌലവി, ഇഖ്ബാല്‍ മാവിലാടം തുടങ്ങിയവര്‍ ആശംസകളര്‍പ്പിച്ചു. തുടര്‍ന്ന് ഇസ്ലാമിക് സെന്റര്‍ സര്‍ഗലയ അംഗങ്ങള്‍ ഒരുക്കിയ ഹൃദ്യമായ ഇശല്‍ വിരുന്ന് അരങ്ങേറി. ജനറല്‍ സെക്രട്ടറി മുഹമ്മദലി പുതുപ്പറമ്പ് സ്വാഗതവും ഗഫൂര്‍ ഫൈസി പൊന്‍മള നന്ദിയും പറഞ്ഞു.