ബ്രിട്ടനില്‍ വീണ്ടും സമ്ബൂര്‍ണ ലോക്ക് ഡൗണ്‍; ഫെബ്രുവരി പകുതി വരെ അടച്ചിടും

ബ്രിട്ടനില്‍ വീണ്ടും സമ്ബൂര്‍ണ ലോക്ക് ഡൗണ്‍ പ്രഖ്യാപിച്ച്‌ പ്രധാനമന്ത്രി ബോറിസ് ജോണ്‍സണ്‍. കൊവിഡിന്റെ പുതിയ വകഭേദം വ്യാപകമായി പടരുന്നതിന്റെ പശ്ചാത്തലത്തിലാണ് തീരുമാനം. ഒന്നരമാസത്തേക്കാണ് അടച്ചുപൂട്ടല്‍ പ്രഖ്യാപിച്ചിരിക്കുന്നത്.

ലോക്ക് ഡൗണ്‍ പ്രഖ്യാപിക്കേണ്ടത് അനിവാര്യമാണെന്ന് ബോറിസ് ജോണ്‍സണ്‍ വ്യക്തമാക്കി. വിദ്യാഭ്യാസ സ്ഥാപനങ്ങളടക്കം അടഞ്ഞുകിടക്കുമെന്നും, ഫെബ്രുവരി പകുതി വരെ സമ്ബൂര്‍ണ അടച്ചിടല്‍ തുടരുമെന്നും പ്രധാനമന്ത്രി അറിയിച്ചു.