കുവൈത്ത് പാര്ലമെന്റ് തെരഞ്ഞെടുപ്പ് ഡിസംബര്‍ അഞ്ചിന് നടത്തും. കോവിഡ് പശ്ചാത്തലത്തില്‍ കര്‍ശന നിയന്ത്രണങ്ങളോടെയാണ് തെരഞ്ഞെടുപ്പ് നടത്തുക. ഭരണഘടന അനുവദിക്കാത്തതിനാല്‍ തെരഞ്ഞെടുപ്പ് നീട്ടിവെക്കേണ്ടെന്ന് സര്‍ക്കാര്‍ തീരുമാനിക്കുകയായിരുന്നു.
കുവൈത്തിന്റെ 16ാമത് തെരഞ്ഞെടുപ്പാണ് നടക്കുന്നത് . 2016 നവംബര്‍ 26നാണ് കഴിഞ്ഞ പാര്ലമെന്റ് തെരഞ്ഞെടുപ്പ് നടന്നത്. കോവിഡ് പ്രതിസന്ധി മുന്നിലുള്ളതിനാല്‍ ആഭ്യന്തര മന്ത്രാലയവും ആരോഗ്യമന്ത്രാലയവും ചേര്‍ന്നാണ് തെരഞ്ഞെടുപ്പ് നടപടിക്രമങ്ങള്‍ക്ക് നേതൃത്വം നല്‍കുക. സാമൂഹിക അകലം പാലിക്കാന്‍ ഇത്തവണ വോട്ടെടുപ്പ് കേന്ദ്രങ്ങളുടെ എണ്ണം വര്‍ധിപ്പിക്കും.
