കുവൈത്ത്: കുവൈത്തിൽ നിന്ന് കണ്ണൂരിലേക്ക് ഈ മാസം 30 മുതൽ എയർ ഇന്ത്യ എക്സ്പ്രസ് ആഴ്ചയിൽ രണ്ടു സർവിസുകൾ നടത്തും. നിലവിലുള്ള വ്യാഴാഴ്ചക്കു പുറമെ തിങ്കളാഴ്ചയാണ് അധിക സർവിസ് നടത്തുന്നത്. തിങ്കളാഴ്ചകളിൽ പുലർച്ച 4.40ന് കണ്ണൂരിൽ നിന്ന് പുറപ്പെടുന്ന വിമാനം 7.40ന് കുവൈത്തിൽ എത്തും. തിരിച്ച് കുവൈത്തിൽ നിന്ന് 8.40ന് പുറപ്പെട്ട് വൈകീട്ട് നാലിന് കണ്ണൂരിലെത്തും. ആഴ്ചയിൽ രണ്ടു സർവിസുകൾ ആരംഭിക്കുന്നതോടെ കുവൈത്ത്-കണ്ണൂർ യാത്രക്കാർക്ക് കൂടുതൽ ആശ്വാസമാകും.
അതേസമയം, നവംബർ മുതൽ കോഴിക്കോട് സർവിസിൽ ദിവസങ്ങളിൽ മാറ്റം വരും. ചൊവ്വ, വെള്ളി ദിവസങ്ങളിൽ കുവൈത്ത് സർവിസ് ഉണ്ടാകില്ല. ഇതുവരെയുള്ള സർവിസ് ചൊവ്വ, ശനി ഒഴികെ ആഴ്ചയിൽ അഞ്ചു ദിവസമായിരുന്നു .
