കുവൈത്തിൽ ഫാമിലി വിസിറ്റ് വിസയുമായി ബന്ധപ്പെട്ട പുതിയ നിയമങ്ങൾ ആഭ്യന്തര മന്ത്രാലയം പുറത്തിറക്കി. യാത്രക്കാർ കുവൈത്ത് എയർവേയ്‌സിലോ ജസീറ എയർവേയ്‌സിലോ എത്തിച്ചേരണമെന്ന് മന്ത്രാലയം ആവശ്യപ്പെട്ടു. മറ്റ് വിമാനങ്ങളിൽ എത്തുന്ന യാത്രക്കാർക്ക് പ്രവേശനം അനുവദിക്കില്ലയെന്നും മന്ത്രാലയം വ്യക്തമാക്കി.
ദേശീയ വിമാനക്കമ്പനിയെ പിന്തുണയ്ക്കാനും സന്ദർശകരുടെ സുഗമമായ പ്രവേശനം ഉറപ്പാക്കാനും ഈ തീരുമാനം ലക്ഷ്യമിടുന്നു. തീരുമാനം ഉടനടി നടപ്പാക്കാൻ ആഭ്യന്തര മന്ത്രാലയം ഡയറക്ടറേറ്റ് ജനറൽ ഓഫ് സിവിൽ ഏവിയേഷന് നിർദേശം നൽകി.
കുവൈറ്റിൽ പ്രവർത്തിക്കുന്ന എല്ലാ വിമാനക്കമ്പനികളെയും ആഭ്യന്തര മന്ത്രാലയം പുതിയ നിയന്ത്രണങ്ങളെക്കുറിച്ച് അറിയിച്ചിട്ടുണ്ടെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. മറ്റ് എയർലൈനുകളിൽ ഇതിനകം ടിക്കറ്റ് ബുക്ക് ചെയ്ത സന്ദർശകരെ രാജ്യത്തേക്ക് പ്രവേശിക്കാൻ അനുവദിക്കും, എന്നാൽ അവർ കുവൈറ്റ് എയർവേയ്‌സിലോ ജസീറ എയർവേയ്‌സിലോ റിട്ടേൺ ടിക്കറ്റ് ബുക്ക് ചെയ്യേണ്ടതുണ്ട്.
പുതിയ നിയന്ത്രണങ്ങൾ കുവൈറ്റിലെ യാത്രാ വ്യവസായത്തിൽ കാര്യമായ സ്വാധീനം ചെലുത്തുമെന്ന് പ്രതീക്ഷിക്കുന്നു. നിയന്ത്രണങ്ങൾ എത്രനാൾ തുടരുമെന്ന് വ്യക്തമല്ല.
