കോൺസുലാർ അറ്റസ്റ്റേഷൻ, പാസ്‌പോർട്ട്, വിസ എന്നിവയ്ക്കുള്ള ബിഎൽഎസ് ഔട്ട്‌സോഴ്‌സിംഗ് സെൻ്റർ വിശുദ്ധ റമദാൻ മാസത്തിൽ പുതിയ പ്രവൃത്തി സമയത്തിൽ പ്രവർത്തിക്കുമെന്ന് ഇന്ത്യൻ എംബസി അറിയിച്ചു.
കുവൈറ്റ് സിറ്റിയിലെ മൂന്ന് ബിഎൽഎസ് സെൻ്ററുകൾ, ജിലീബ്, ഫഹാഹീൽ എന്നിവ റമദാൻ മാസത്തിൽ ശനി മുതൽ വ്യാഴം വരെ രാവിലെ 9:00 മുതൽ ഉച്ചകഴിഞ്ഞ് 3:00 വരെ പ്രവർത്തിക്കും. വെള്ളിയാഴ്ചകളിൽ കേന്ദ്രങ്ങൾക്ക് അവധിയായിരിക്കും.
ഈ കേന്ദ്രങ്ങളിൽ സാക്ഷ്യപ്പെടുത്തുന്നതിനായി സമർപ്പിച്ച രേഖകൾ അപേക്ഷകർക്ക് അടുത്ത പ്രവൃത്തി ദിവസം ഉച്ചകഴിഞ്ഞ് 3:00 മുതൽ 4:00 വരെ അതത് കേന്ദ്രങ്ങളിൽ എത്തിക്കുമെന്നും അറിയിപ്പിൽ പറയുന്നു.
ഏത് അടിയന്തര കോൺസുലാർ സേവനങ്ങൾക്കും, എംബസിയുടെ 24X7 വാട്ട്‌സ്ആപ്പ് ഹെൽപ്പ് ലൈൻ നമ്പറുകളിൽ ബന്ധപ്പെടാവുന്നതാണെന്നും അധികൃതർ വ്യക്തമാക്കി.
