കുവൈറ്റ്: ഗതാഗതക്കുരുക്ക് കുറയ്ക്കുന്നതിന് ഫ്‌ളെക്‌സിബിൾ വർക്ക് ടൈംസ് ഏർപ്പെടുത്തുന്നത് സംബന്ധിച്ച് മന്ത്രിസഭയുടെ അഭ്യർത്ഥനയുടെ അടിസ്ഥാനത്തിൽ നിരവധി സർക്കാർ വകുപ്പുകൾ പഠനം ആരംഭിച്ചു. ഫ്‌ളെക്‌സിബിൾ ജോലി സമയം ബാധകമാക്കുന്നതിനുള്ള സാധ്യതയെക്കുറിച്ച് പഠിക്കുന്നതിനുള്ള തീരുമാനം അവതരിപ്പിക്കാൻ പ്രധാനമന്ത്രി ഷെയ്ഖ് അഹമ്മദ് അൽ നവാഫ് അൽ സബാഹിന്റെ നിർദ്ദേശങ്ങൾ സംബന്ധിച്ച് നീതിന്യായ മന്ത്രി അബ്ദുൽ അസീസ് അൽ-മജീദ് തന്റെ അണ്ടർ സെക്രട്ടറിക്ക് നിർദ്ദേശം നൽകി.

അതിനിടെ, ദേശീയ അസംബ്ലിയുടെ അംഗീകാരത്തിനായി നിലവിൽ സർക്കാർ തയ്യാറാക്കുന്ന തന്ത്രപരമായ ശമ്പള ബദൽ സംബന്ധിച്ച പദ്ധതിയിൽ പൊതുമേഖലയിൽ പ്രവാസി തൊഴിലാളികളെ ഉൾപ്പെടുത്തില്ലെന്നും കുവൈറ്റ് ജീവനക്കാർക്ക് മാത്രമായി പരിമിതപ്പെടുത്തുമെന്നും സർക്കാർ വൃത്തങ്ങൾ അറിയിച്ചു. “വ്യത്യസ്‌ത സർക്കാർ സ്ഥാപനങ്ങളിലെ ഒരേ സ്‌പെഷ്യലൈസേഷനുള്ള കുവൈറ്റ് തൊഴിലാളികളെ നിയമം തുല്യമാക്കുന്നതായി മന്ത്രാലയവുമായി ബന്ധപ്പെട്ട വൃത്തങ്ങൾ വ്യക്താമാക്കി.

“സർക്കാർ മേഖലയിലെ പ്രവാസി തൊഴിലാളികൾക്ക് നിയമനത്തിന് വ്യത്യസ്ത നടപടിക്രമങ്ങളുണ്ട്, അവർക്ക് ലഭിക്കുന്ന അലവൻസുകൾ ജോലിയുടെ സ്വഭാവവുമായി ബന്ധപ്പെട്ട സാങ്കേതിക നടപടിക്രമങ്ങളും ഓരോ മന്ത്രാലയത്തിനും ലഭിക്കുന്ന പുതിയ അപ്‌ഡേറ്റുകളും അടിസ്ഥാനമാക്കിയാണ് അനുവദിക്കുന്നത്, അവ സിവിൽ സർവീസ് കമ്മീഷന്റെ ചട്ടങ്ങളെ അടിസ്ഥാനമാക്കിയുള്ളതല്ല. . അടിയന്തര സാഹചര്യങ്ങളിൽ മാത്രമേ പ്രവാസികളെ ജോലിക്കെടുക്കാനാകൂ, എന്നാൽ മുൻഗണന എപ്പോഴും കുവൈറ്റികൾക്കും പിന്നെ ജിസിസി പൗരന്മാർക്കും ബെഡൂണുകൾക്കും ആയിരിക്കുമെന്നും മന്ത്രാലയവുമായി ബന്ധപ്പെട്ട വൃത്തങ്ങൾ കൂട്ടിച്ചേർത്തു. സ്ട്രാറ്റജിക് പേറോൾ ബദൽ അടുത്ത രണ്ട് മാസത്തിനുള്ളിൽ അസംബ്ലിയിൽ സമർപ്പിക്കും, 2025/26 സാമ്പത്തിക വർഷത്തിൽ ഇത് നടപ്പിലാക്കുമെന്ന് ഉറവിടങ്ങൾ പ്രതീക്ഷിക്കുന്നു.

error: Content is protected !!