കുവൈത്ത് സിറ്റി: റോഡ് അറ്റകുറ്റപ്പണികൾ ഉടൻ ആരംഭിക്കാൻ കുവൈത്ത്. ഇതു സംബന്ധിച്ച കരാറിൽ ഏർപ്പെടാൻ പൊതുമരാമത്ത് മന്ത്രാലയത്തിന് ഓഡിറ്റ് ബ്യൂറോ അനുമതി നൽകിയിട്ടുണ്ട്. പതിനെട്ടോളം കമ്പനികളെയാണ് റോഡ് അറ്റകുറ്റപ്പണികൾക്കായി മന്ത്രാലയം തെരഞ്ഞെടുത്തിരിക്കുന്നത്.
ഈ മാസം അവസാനത്തോടെ കമ്പനികളുമായി കരാറിൽ ഏർപ്പെടുവാൻ കഴിയുമെന്നാണ് പ്രതീക്ഷ. കമ്പനികളുമായുള്ള കരാറിന് പാലിക്കേണ്ട വ്യവസ്ഥകളും ഓഡിറ്റ് ബ്യൂറോ നിർദ്ദേശിച്ചിട്ടുണ്ട്. അറ്റകുറ്റപ്പണികൾക്ക് അനുമതി ലഭിച്ചതോടെ കുവൈത്തിലെ റോഡ് അടിസ്ഥാന സൗകര്യങ്ങൾ കൂടുതൽ മെച്ചപ്പെടുമെന്നാണ് വിലയിരുത്തപ്പെടുന്നത്.
