കുവൈത്ത് സിറ്റി: കുവൈത്തിൽ ഉയർന്ന വിലയിൽ കുടിവെള്ളം വിൽപ്പന നടത്തിയ 9 ടാങ്കർ ഉടമകൾക്കെതിരെ നടപടികൾ ആരംഭിച്ച് കുവൈത്ത് വാണിജ്യ മന്ത്രാലയം. സാൽമിയ, ജാബ്രിയ, അൽ-റായ് എന്നിവിടങ്ങളിലെ വാട്ടർ ടാങ്കർ പാർക്കിംഗുകളിൽ നടത്തിയ പരിശോധനയിലാണ് നിയമ ലംഘനം കണ്ടെത്തിയത്.
വിപണി സ്ഥിരതയും സാധനങ്ങളുടെയും സേവനങ്ങളുടെയും ലഭ്യത ഉറപ്പാക്കുന്നതിനും, ഉപഭോക്തൃ അവകാശങ്ങൾ സംരക്ഷിക്കുന്നതിനും മന്ത്രാലയം പ്രതിജ്ഞബദ്ധമാണെന്ന് അധികൃതർ ചൂണ്ടിക്കാട്ടി.
