കുവൈറ്റ്: കുവൈറ്റ്സാറ്റ്-1 ജനുവരി 3 ചൊവ്വാഴ്ച ഫ്ലോറിഡയിൽ നിന്ന് സ്പേസ് എക്സ് റോക്കറ്റിൽ വിക്ഷേപിക്കുമെന്ന് കുവൈറ്റ് സാറ്റലൈറ്റ് നാഷണൽ പ്രോജക്ട് ഓപ്പറേഷണൽ ഡയറക്ടർ ഡോ.അഹ്മദ് അൽ-കന്ദരി അറിയിച്ചു.
വിക്ഷേപിച്ച് നാല് മണിക്കൂറും രണ്ട് മിനിറ്റും കൊണ്ട് ഉപഗ്രഹത്തിന് അതിന്റെ ആദ്യ സന്ദേശം അയയ്ക്കാൻ കഴിയുമെന്ന് അദ്ദേഹം വ്യക്തമാക്കി. ഓപ്പറേഷനിൽ ഉപയോഗിച്ച റോക്കറ്റിന് 70 മുതൽ 100 വരെ ഉപകരണങ്ങൾ വഹിക്കാൻ കഴിയുമെന്ന് അദ്ദേഹം കൂട്ടിച്ചേർത്തു. ഈ പ്രത്യേക പദ്ധതിയുടെ സമാരംഭം കുവൈത്തിന്റെ ബഹിരാകാശ കഴിവുകൾ കൂടുതൽ വികസിപ്പിക്കുന്നതിനുള്ള പദ്ധതികൾക്ക് വഴിയൊരുക്കുമെന്ന് അൽ-കന്ദരി ചൂണ്ടിക്കാട്ടി.
കുവൈറ്റ് സാറ്റ്-1 ന് ഹൈ-ഡെഫനിഷൻ ക്യാമറ മലിനീകരണത്തിന്റെ തോത് വിശകലനം ചെയ്യുന്നതിനായി പ്രധാന വിവരങ്ങളും ചിത്രങ്ങളും പകർത്തുമെന്നും അദ്ദേഹം അറിയിച്ചു. ഏകദേശം 316,000 കുവൈറ്റ് ദിനറാണ്(1.032 ദശലക്ഷം ഡോളർ) കുവൈറ്റ്സാറ്റ്-1 നായി ചിലവായത്, കൂടാതെ ഏകദേശം 1,000 മണിക്കൂർ എടുത്താണ് ഇതിന്റെ നിർമ്മാണവും പൂർത്തിയാക്കിയത്.
