പൊതുമരാമത്ത് മന്ത്രി ഡോ. അമാനി ബൂഖമ്മാസ് രാജ്യത്തെ റോഡുകളുടെ ഗുരുതരമായ പ്രശ്നങ്ങൾ പരിഹരിക്കുന്നതിനുള്ള റോഡ് മാപ്പിന്റെ രൂപരേഖ തയ്യാറാക്കി. അറ്റകുറ്റപ്പണികളിൽ പങ്കെടുക്കാൻ അന്താരാഷ്ട്ര കമ്പനികളെ അനുവദിക്കുമെന്നും എല്ലാ കരാറുകാരുടെയും ജോലികൾ പുനർമൂല്യനിർണയം നടത്തുമെന്നും അവർ വ്യക്തമാക്കി. കഴിഞ്ഞ പത്ത് ദിവസങ്ങളിൽ, മന്ത്രാലയം അറ്റകുറ്റപ്പണികൾ പരിശോധിച്ചു വരികയാണ്. അശ്രദ്ധരായ കമ്പനികളെ ഏൽപ്പിച്ച പ്രോജക്റ്റുകളിൽ എന്തെങ്കിലും അപാകതയുണ്ടെങ്കിൽ അവരുടെ ഗ്യാരന്റി ഉടൻ തന്നെ ഇല്ലാതാക്കുമെന്നും രാജ്യത്തെ തെരുവുകളും റോഡുകളും അടിയന്തര ഘട്ടത്തിലെത്തിയെന്നും അവർ പറഞ്ഞു.
രാജ്യത്തെ റോഡുകൾ അടിയന്തര ഘട്ടത്തിലാണെന്നും റോഡുകൾ മെച്ചപ്പെടുത്തുന്നതിന് ഒരു “പുതിയ പദ്ധതിയും കാഴ്ചപ്പാടും” ആവിഷ്കരിച്ചിട്ടുള്ളതായും അത് നടപ്പിലാക്കിയാൽ, റോഡിന്റെ നിലവിലെ പ്രശ്നങ്ങൾ വീണ്ടും ഉണ്ടാകുന്നത് തടയുമെന്നും അവർ കൂട്ടിച്ചേർത്തു.
