വിയന്ന: റിപ്പബ്ലിക് ഓഫ് ഓസ്ട്രിയയിൽ സന്ദർശനം നടത്തുന്ന കുവൈത്ത് വിദേശകാര്യ മന്ത്രി ഷെയ്ഖ് സലേം അബ്ദുല്ല അൽ ജാബർ അൽ സബാഹ് വെള്ളിയാഴ്ച ഒപെക് സെക്രട്ടറി ജനറൽ ഹൈതം അൽ ഗായിസുമായി കൂടിക്കാഴ്ച നടത്തി. കൂടിക്കാഴ്ചയിൽ കുവൈത്തും സംഘടനയും തമ്മിലുള്ള സഹകരണം ചർച്ച ചെയ്തു. ഏറ്റവും പുതിയ പ്രാദേശിക, അന്തർദേശീയ ഭൗമരാഷ്ട്രീയ സംഭവവികാസങ്ങളും ആഗോള എണ്ണ വിപണിയിൽ അവ ചെലുത്തുന്ന സ്വാധീനവും കാലാവസ്ഥാ വ്യതിയാനവുമായി ബന്ധപ്പെട്ട വെല്ലുവിളികളും അവർ അവലോകനം ചെയ്തു.
ആഗോള വിപണിയിൽ സുസ്ഥിരമായ വിതരണം ഉറപ്പാക്കുന്നതിന് ഒപെക് അംഗങ്ങൾ അവരുടെ ഊർജ്ജ നയങ്ങളുടെ നിരന്തരമായ ഏകോപനം നിലനിർത്തുന്നതിന്റെ പ്രാധാന്യം ഷെയ്ഖ് സേലം എടുത്തുപറഞ്ഞു. എണ്ണ വിപണിയുടെ സന്തുലിതാവസ്ഥയും ഊർജ വ്യവസായത്തിന്റെ സുസ്ഥിരതയും നിലനിർത്താനുള്ള ഓർഗനൈസേഷന്റെ ശ്രമങ്ങളെ കുറിച്ച് അൽ-ഗൈസ് കുവൈത്ത് മന്ത്രിയോട് വിശദീകരിച്ചു.
