അന്തരിച്ച കുവൈറ്റ് അമീർ ഹിസ് ഹൈനസ് ഷെയ്ഖ് നവാഫ് അൽ അഹമ്മദ് അൽ-ജാബർ അൽ-സബയുടെ മരണത്തിൽ അനുശോചനം രേഖപ്പെടുത്താനും ആദരാഞ്ജലികൾ അർപ്പിക്കാനും ഇന്ത്യൻ വിദേശകാര്യ മന്ത്രി എസ് ജയശങ്കയും വിദേശകാര്യ സഹമന്ത്രി വി മുരളീധരനും തിങ്കളാഴ്ച രാവിലെ ഡൽഹിയിലെ കുവൈത്ത് എംബസിയിലെത്തി.
ഐക്യദാർഢ്യത്തിന്റെയും സൗഹൃദത്തിന്റെയും അടയാളമായി, മന്ത്രി ജയശങ്കർ എംബസി ജീവനക്കാരോട് ഇന്ത്യയുടെ അനുശോചനം അറിയിക്കുകയും ഔദ്യോഗിക അനുശോചന പുസ്തകത്തിൽ ഒപ്പിടുകയും ചെയ്തു. ഇരു രാജ്യങ്ങളും തമ്മിലുള്ള സഹകരണവും ധാരണയും വളർത്തിയെടുക്കുന്നതിൽ അന്തരിച്ച അമീർ നൽകിയ സുപ്രധാന സംഭാവനകൾ മന്ത്രി എടുത്തുപറഞ്ഞു.
