ഒമാൻ തീരത്ത് ഞായറാഴ്ച വരെ ഉയർന്ന തിരമാലകൾക്ക് സാധ്യത; മത്സ്യത്തൊഴിലാളികൾക്ക് ജാഗ്രതാ നിർദ്ദേശം

മസ്‌കത്ത്: ഒമാൻ തീരത്ത് ഞായറാഴ്ച വരെ ഉയർന്ന തിരമാലകൾക്ക് സാധ്യത. മുസന്ദം ഗവർണറേറ്റിന്റെയും ഒമാൻ കടലിന്റെയും തീരങ്ങളിൽ കടൽ തിരമാലകൾ ഉയരുമെന്ന് സിവിൽ ഏവിയേഷൻ അതോറിറ്റി മുന്നറിയിപ്പ് നൽകി. വ്യാഴാഴ്ച വൈകുന്നേരം മുതൽ ഞായറാഴ്ച വരെ ജാഗ്രതാ നിർദ്ദേശം ബാധകമാണ്. ഈ കാലയളവിൽ കടൽ പ്രക്ഷുബ്ധമാകാനും തിരമാലകൾ 1.5 മുതൽ 2.5 മീറ്റർ വരെ ഉയരാനും സാധ്യതയുണ്ട്. മത്സ്യത്തൊഴിലാളികളും കടൽ യാത്രക്കാരും അതീവ ജാഗ്രത പാലിക്കണമെന്ന് അധികൃതർ നിർദ്ദേശം നൽകി.