തമിഴ്നാട് സ്വദേശിയുടെ മരണം: കെഎസ്ആർടിസി സ്വിഫ്റ്റ് അല്ല ആദ്യം ഇടിച്ചത് ..

കാൽ നട യാത്രികനായ തമിഴ്നാട് സ്വദേശി മരിച്ചത് കെഎസ്ആർടിസി സ്വിഫ്റ്റ് ഇടിച്ചല്ലെന്ന് വ്യക്തമായി . വ്യാഴാഴ്ച പുലർച്ചെ 5.30-ന് തൃശൂർ കുന്നംകുളം മലയാ ജംങ്ഷനിലായിരുന്നു അപകടം. പരസ്വാമിയെ ആദ്യം ഇടിച്ചത് പിക്കപ്പ് വാൻ ആണെന്ന് സിസിടിവി ദൃശ്യങ്ങളിൽ നിന്ന് വ്യക്തമാണ്. വാൻ ഇടിച്ച് നിലത്ത് വീണ പരസ്വാമിയുടെ കാലിലൂടെ കെ സ്വിഫ്റ്റ് ബസ് കയറി. കെ സ്വിഫ്റ്റ് ബസ് ഇടിച്ചാണ് കാൽനട യാത്രക്കാരൻ മരിച്ചതെന്നാണ് ആദ്യം റിപ്പോർട്ടുകൾ പുറത്ത് വന്നത്. സിസിടിവി ദൃശ്യങ്ങൾ കേന്ദ്രീകരിച്ച് പോലീസ് നടത്തിയ വിശദമായ അന്വേഷണത്തിലാണ് പിക്കപ്പ് വാൻ ഇടിച്ചതായി കണ്ടെത്തിയത്.