കുവൈറ്റിൽ പ്ര​വാ​സി​ വി​സ​യു​ടെ എ​ണ്ണ​ത്തി​ൽ വ​ർ​ധ​നവ്

കു​വൈ​ത്ത് സി​റ്റി: ക​ഴി​ഞ്ഞ വ​ർ​ഷം രാ​ജ്യ​ത്തെ​ത്തി​യ പ്ര​വാ​സി​ക​ളു​ടെ എ​ണ്ണ​ത്തി​ൽ‍ വ​ർ‍ധ​ന​യു​ണ്ടാ​യ​താ​യി കേ​ന്ദ്ര സ്റ്റാ​റ്റി​സ്റ്റി​ക്സ് വ​കു​പ്പ് അറിയിച്ചു. ക​ഴി​ഞ്ഞ വ​ർ​ഷം 3,18,000 പു​തി​യ വി​സ​ക​ളാ​ണ് അ​നു​വ​ദി​ച്ച​തെന്നും സ്റ്റാ​റ്റി​സ്റ്റി​ക്സ് വ​കു​പ്പ് വ്യക്തമാക്കി.

ആ​ഭ്യ​ന്ത​ര മ​ന്ത്രാ​ല​യ​വു​മാ​യി സ​ഹ​ക​രി​ച്ച് ന​ട​ത്തി​യ റി​പ്പോ​ർ​ട്ടി​ലാ​ണ് ഈ വി​വ​ര​ങ്ങ​ൾ വ്യക്തമാക്കിയത്. ക​ഴി​ഞ്ഞ മൂ​ന്നു വ​ര്‍ഷ​ത്തി​നി​ട​യി​ലെ ഏ​റ്റ​വും ഉ​യ​ർ​ന്ന നി​ര​ക്കാ​ണി​തെ​ന്നും മാധ്യമങ്ങൾ റി​പ്പോ​ർ​ട്ട് ചെ​യ്തു.

കോ​വി​ഡി​നു​ശേ​ഷം വി​വി​ധ മേ​ഖ​ല​ക​ളി​ലു​ണ്ടാ​യ ഉ​ണ​ർ​വ് കൂ​ടു​ത​ൽ പ്ര​വാ​സി​ക​ൾ രാ​ജ്യ​ത്ത് എ​ത്താ​ൻ ഇ​ട​യാ​ക്കി​യ​താ​യി ക​ണ​ക്കു​ക​ൾ സൂ​ചി​പ്പി​ക്കു​ന്നു.

ഗാ​ർ​ഹി​ക തൊ​ഴി​ലാ​ളി​ക​ൾ, സി​വി​ൽ ജോ​ലി​ക്കാ​ർ എ​ന്നി​വ​രാ​ണ് റെ​സി​ഡ​ന്റ്സ് പെ​ർ​മി​റ്റു​ക​ൾ ല​ഭി​ച്ച​തി​ൽ മു​ന്നി​ൽ നിൽക്കുന്നത്. ഗാ​ർ​ഹി​ക തൊ​ഴി​ലാ​ളി​ക​ൾ​ക്ക് 1,62,000, സ്വ​കാ​ര്യ മേ​ഖ​ല​ക്ക് 1,65,000 എ​ന്നി​ങ്ങ​നെ പെ​ർ​മി​റ്റ് അ​നു​വ​ദി​ച്ചിട്ടുണ്ട്. ഇ​തി​ൽ മു​ന്നി​ൽ നിൽക്കുന്നത് അ​റ​ബ് ഇ​ത​ര ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്നു​ള്ള പ്ര​വാ​സി​ക​ളാ​ണ്. ക​ഴി​ഞ്ഞ വ​ർ​ഷം എ​ത്തി​യ 67.2 ശ​ത​മാ​ന​വും ഈ ​പ്ര​ദേ​ശ​ങ്ങ​ളി​ൽ​നി​ന്നു​ള്ള​വ​രാ​ണ്.

അ​തി​നി​ടെ 56,279 റെ​സി​ഡ​ന്റ്സ് പെ​ർ​മി​റ്റു​ക​ളും ക​ഴി​ഞ്ഞ വ​ർ​ഷം റ​ദ്ദാ​ക്കിയിട്ടുണ്ട്. ഇ​തി​ൽ 54 ശ​ത​മാ​നം അ​റ​ബ് ഇ​ത​ര ഏ​ഷ്യ​ൻ തൊ​ഴി​ലാ​ളി​ക​ളു​ടേ​താ​ണ്. ഇ​തേ കാ​ല​യ​ള​വി​ൽ 12,911 താ​ൽ​ക്കാ​ലി​ക താ​മ​സ വി​സ​ക​ളും അ​ധി​കൃ​ത​ർ റ​ദ്ദാ​ക്കി.

സ​ർ​ക്കാ​ർ മേ​ഖ​ല​യി​ലും സ്വ​കാ​ര്യ മേ​ഖ​ല​യി​ലും ഇ​ത് ന​ട​പ്പാ​യി. ഗാ​ർ​ഹി​ക തൊ​ഴി​ലാ​ളി​ക​ൾ​ക്കു​ള്ള 5871 പെ​ർ​മി​റ്റു​ക​ൾ, 15,131 ഫാ​മി​ലി വി​സ​ക​ൾ എ​ന്നി​വ​യും റ​ദ്ദാ​ക്കി.