കുവൈറ്റ്: രാജ്യം വിടുന്നതിന് മുമ്പ് പ്രവാസികളിൽ നിന്ന് ബില്ലുകൾ ശേഖരിക്കുന്നതിന് ആഭ്യന്തര മന്ത്രാലയവുമായി ധാരണയിലെത്തിയതായി കമ്മ്യൂണിക്കേഷൻ മന്ത്രാലയം അറിയിച്ചു. ഈ നടപടി ഏതാനും ദിവസങ്ങൾക്കുള്ളിൽ നടപ്പാക്കുമെന്ന് ആക്ടിംഗ് കമ്മ്യൂണിക്കേഷൻസ് മന്ത്രാലയം അണ്ടർസെക്രട്ടറി അഹമ്മദ് അൽ-മെജ്രെൻ പറഞ്ഞു.
പ്രവാസികൾക്ക് സഹേൽ ആപ്ലിക്കേഷനിലൂടെയോ, മന്ത്രാലയത്തിന്റെ http://moc.gov.kw എന്ന വെബ്‌പേജ് വഴിയോ, ഏതെങ്കിലും ടെലിഫോൺ എക്‌സ്‌ചേഞ്ച് ഓഫീസ് സന്ദർശിച്ചോ ബില്ലുകൾ അടയ്ക്കാവുന്നതാണ്.
പ്രവാസികൾ രാജ്യം വിടുന്നതിന് മുമ്പ് വിവിധ പിഴകൾ ഇപ്പോൾ അടയ്ക്കേണ്ടതാണ്. നിലവിൽ, അവർ ട്രാഫിക് പിഴ അടയ്‌ക്കേണ്ടതുണ്ട്, അതേസമയം വൈദ്യുതി, വാട്ടർ ബില്ലുകൾ അടയ്ക്കാനുള്ള നിയമം സെപ്റ്റംബർ 1 മുതൽ പ്രാബല്യത്തിൽ വരും. അമിതവേഗതയ്ക്കും വികലാംഗ പാർക്കിംഗ് സ്ഥലങ്ങൾ ഉപയോഗിച്ചതിനുമുള്ള ട്രാഫിക് പിഴകൾ ഒഴികെ, മിക്കവാറും എല്ലാ ഇൻവോയ്‌സുകളും വിമാനത്താവളത്തിൽ അടയ്ക്കാവുന്നതാണ്.
