കുവൈറ്റ് സിറ്റി: തെരുവ് നായ്ക്കളുടെ ആക്രമണത്തിൽ പെൺകുട്ടി മരിച്ചുവെന്ന അഭ്യൂഹങ്ങൾ പബ്ലിക് അതോറിറ്റി ഫോർ അഗ്രികൾച്ചറൽ അഫയേഴ്സ് ആൻഡ് ഫിഷ് റിസോഴ്സസ് (പിഎഎഎഎഫ്ആർ) നിഷേധിച്ചു. പിഎഎഎഎഫ്ആർ ഡയറക്ടർ അബ്ദുല്ല അൽ ബദലാണ് ഇക്കാര്യം വ്യക്തമാക്കിയത്.
ഇരയ്ക്ക് ആവശ്യമായ വൈദ്യചികിത്സ ലഭിച്ചതായും അതേ ദിവസം തന്നെ ക്ലിനിക്ക് വിട്ടതായും അൽ-ബദൽ പത്രക്കുറിപ്പിലൂടെ വ്യക്തമാക്കി. ഈ വസ്തുത ക്ലിനിക്കും പ്രദേശത്തെ പോലീസ് സ്റ്റേഷനും സ്ഥിരീകരിച്ചിട്ടുണ്ട്. പെൺകുട്ടിയെ കടിച്ചത് തെരുവ് നായയല്ലെന്നും പിറ്റ്ബുൾ ആണെന്നും അദ്ദേഹം വെളിപ്പെടുത്തി. തെരുവ് നായ്ക്കളെ നേരിടാൻ PAAAFR-ലെ മൃഗസംരക്ഷണ വകുപ്പ് കഠിനമായി പ്രവർത്തിക്കുന്നുണ്ടെന്ന് അൽ-ബദൽ വിശദീകരിച്ചു.
