കുവൈത്ത് സിറ്റി: തൃശ്ശുർ അസോസിയേഷൻ ഓഫ് കുവൈത്ത് കായിക സമിതിയുടെ നേതൃത്വത്തിൽ ട്രാസ്‌കിലെ അംഗങ്ങൾക്കായി ഫുട്‌ബോൾ ടൂർണ്ണമെന്റ്, മിഷ്രഫ് pays ഫുട്‌ബോൾ ഗ്രൗണ്ടിൽ സംഘടിപ്പിച്ചു. 8 ഏരിയകളിൽ നിന്നായി 10 ടീമുകൾ ടൂർണ്ണമെന്റിൽ പങ്കെടുത്തു. കായിക സമിതി കൺവീനർ ജിൽ ചിന്നൻ സ്വാഗതം പറഞ്ഞതിന് പിന്നാലെ ട്രാസ്‌ക് പ്രസിഡന്റ് ബിജു കടവി ടൂർണമെന്റ് കികോഫ് ചെയ്തു.
ജനറൽ സെക്രട്ടറി മുകേഷ് ഗോപാലൻ, വൈസ് പ്രസിഡന്റ് ജഗദാംബരൻ, വനിതാ വേദി ജനറൽ കൺവീനർ ജെസ്നി ഷമീർ, സാമൂഹ്യ ക്ഷേമ സമിതി കൺവീനർ സിജു എം.എൽ,ആർട്‌സ് കൺവീനർ ബിജു സി ഡി, വനിതാ വേദി സെക്രട്ടറി ഷാന ഷിജു, വനിതാ വേദി ജോയിൻറ് സെക്രട്ടറി സക്കീന അഷ്‌റഫ് എന്നിവർ ടൂർണമെന്റിന് ആശംസകൾ നേർന്നു.
ഫൈനൽ പോരാട്ടത്തിൽ കുവൈത്ത് സിറ്റി ഏരിയ ടീമിനെ പരാജയപ്പെടുത്തി സാൽമിയ ഏരിയ ടീം ജേതാക്കളായി.കളിക്കളം കുട്ടികൾക്ക് സംഘടിപ്പിച്ച ടൂർണമെന്റിൽ അബ്ബാസിയ A ടീം ജേതാകളായി,വനിതകൾക്കായി സംഘടിപ്പിച്ച പെനാൽറ്റി ഷൂട്ട് ഔട്ടിൽ അബ്ബാസിയ A ടീം ജേതാകളായി വിജയികൾക്കുള്ള സമ്മാനം ട്രാസ്‌ക് പ്രസിഡന്റ് ബിജു കടവിയിൽ നിന്നും ടീം ക്യാപ്റ്റൻ ഏറ്റുവാങ്ങി. ട്രാസ്‌ക് സ്‌പോർട്‌സ് ജോയിന്റ് കൺവീനർ റോജോ ജോസ് എല്ലാവർക്കും നന്ദി പ്രകടിപ്പിച്ചു.
