കുവൈത്ത് സിറ്റി: ക്യാമ്പ് സൈറ്റുകളുമായി ബന്ധപ്പെട്ട് നിർദ്ദേശങ്ങളുമായി കുവൈത്ത്. ക്യാമ്പ് സൈറ്റുകൾ തെരഞ്ഞെടുക്കുമ്പോൾ ജാഗ്രത പാലിക്കണമെന്നാണ് കുവൈത്ത് ഫയർഫോഴ്സ് നൽകുന്ന മുന്നറിയിപ്പ്. ഉയർന്ന വോൾട്ടേജുള്ള വൈദ്യുതി ലൈനുകൾ കടന്നു പോകുന്ന സ്ഥലങ്ങളിൽ ക്യാമ്പിംഗ് നടത്തുന്നത് അപകട സാധ്യത ഉയർത്തുന്നതാണെന്നും അതിനാൽ ഇത്തരം പ്രദേശങ്ങൾ ഒഴിവാക്കണമെന്നും അധികൃതർ നിർദ്ദേശം നൽകി.
അപകടങ്ങൾ ഒഴിവാക്കാൻ സുരക്ഷാ പരിഗണനകൾ ഉറപ്പാക്കുന്ന അനുയോജ്യമായ സ്ഥലങ്ങൾ മാത്രം തെരഞ്ഞെടുക്കണമെന്നാണ് അധികൃതർ വ്യക്തമാക്കുന്നത്. സുരക്ഷാ മാർഗനിർദ്ദേശങ്ങൾ കർശനമായി പാലിക്കണമെന്നും അധികൃതർ കൂട്ടിച്ചേർത്തു.







