‘ഐഎൻഎസ് വിശാഖപട്ടണം ‘ സന്ദർശിക്കുന്നതിന് കുവൈത്തിലെ ഇന്ത്യക്കാർക്ക് അവസരം

കുവൈത്ത് : കുവൈത്ത് സന്ദർശത്തിന് എത്തുന്ന ഇന്ത്യൻ നിർമ്മിത കപ്പൽ ‘ഐഎൻഎസ് വിശാഖപട്ടണം ‘ സന്ദർശിക്കുന്നതിന് കുവൈത്തിലെ ഇന്ത്യക്കാർക്ക് അവസരം. ഓഗസ്റ്റ്‌ 19,20 തിയ്യതികളിൽ ഷുവൈഖ് തുറമുഖത്ത്‌ വൈകീട്ട് 6 മണി മുതൽ 7 മണി വരെയാണ് സന്ദർശനം അനുവദിക്കുന്നത്. ഇതിനായി https://docs.google.com/…/1FAIpQLSf36dfDC0R…/viewform…എന്ന ഗൂഗിൾ ഫോം പൂരിപ്പിച്ച് നൽകേണ്ടതാണ്. ശരിയായി പൂരിപ്പിക്കാത്ത അപേക്ഷകൾ നിരസിക്കപ്പെടുമെന്ന് ഇന്ത്യൻ എംബസി വാർത്ത കുറിപ്പിലൂടെ അറിയിച്ചു. ഇന്ത്യൻ നാവികസേനയുടെ സ്റ്റെൽത്ത് ഗൈഡഡ് വിഭാഗത്തിൽ പെട്ട മിസൈൽ നശീകരണകപ്പലുകളിൽ ആദ്യത്തെതാണ് INS വിശാഖപട്ടണം. 2021 നവംബർ 21-ന് ആണ് കപ്പൽ കമ്മീഷൻ ചെയ്തത്. ഇത് നാവികസേനയുടെ സേവനത്തിലുള്ള ഏറ്റവും വലിയ നശീകരണ കപ്പലുകളിൽ ഒന്നാണ്. ഇതിന്റെ നിർമ്മാണ ചെലവ് 9000 കോടി രൂപയാണ്.