കുവൈത്ത് സിറ്റി: ട്രാഫിക് ഉദ്യോഗസ്ഥനെ മർദ്ദിച്ച ഡ്രൈവർ അറസ്റ്റിൽ. കുവൈത്ത് ജനറൽ ട്രാഫിക് ഡിപ്പാർട്ട്‌മെന്റാണ് ഡ്രൈവറെ പിടികൂടിയത്. ഡ്യൂട്ടിയിലിരിക്കെയാണ് ഇയാൾ ട്രാഫിക് ഉദ്യോഗസ്ഥനെ മർദ്ദിച്ചത്. അശ്രദ്ധമായി വാഹനമോടിച്ച ഇയാളെ ഉദ്യോഗസ്ഥൻ തടയാൻ ശ്രമിച്ചിരുന്നു. ഇതിൽ പ്രകോപിതനായാണ് ഇയാൾ ഉദ്യോഗസ്ഥനെ മർദ്ദിച്ചത്.
പരിക്കേറ്റ ഉദ്യോസ്ഥന്റെ ആരോഗ്യ നില തൃപ്തികരമാണെന്നും അദ്ദേഹത്തിന് വേണ്ട വൈദ്യസഹായം ലഭ്യമാക്കിയെന്നും അധികൃതർ വിശദമാക്കി. പരിക്കുകൾ ഭേദമായി വേഗത്തിൽ സുഖം പ്രാപിക്കാൻ പ്രാർത്ഥിക്കുന്നുവെന്ന് ട്രാഫിക് മന്ത്രാലയം വ്യക്തമാക്കി.
അശ്രദ്ധമായി വാഹനമോടിക്കുന്നവർക്കെതിരെയും ട്രാഫിക് നിയമലംഘനങ്ങൾ നടത്തുന്നവർക്കെതിരെയും ശക്തമായ നടപടി സ്വീകരിക്കുമെന്ന് അധികൃതർ മുന്നറിയിപ്പ് നൽകി. ഉദ്യോഗസ്ഥർക്കെതിരെ അതിക്രമം നടത്തുന്നവർക്കെതിരെയും കർശന നിയമ നടപടിയുണ്ടാകും.
