കുവൈത്തിന്റെ 17-ാമത് അമീറായി ബുധനാഴ്ച നടന്ന പ്രത്യേക ദേശീയ അസംബ്ലി സെഷനിൽ ഹിസ് ഹൈനസ് അമീർ ഷെയ്ഖ് മിഷാൽ അൽ-അഹമ്മദ് അൽ-ജാബർ അൽ-സബാഹ് സത്യപ്രതിജ്ഞ ചെയ്തു.
ഹിസ് ഹൈനസ് ഷെയ്ഖ് മിഷാൽ ഇങ്ങനെ വായിച്ചു: “ഭരണഘടനയെയും ഭരണകൂടത്തിന്റെ നിയമങ്ങളെയും ബഹുമാനിക്കുന്നതിനും ജനങ്ങളുടെ സ്വാതന്ത്ര്യങ്ങളും താൽപ്പര്യങ്ങളും സ്വത്തുക്കളും സംരക്ഷിക്കാനും രാജ്യത്തിന്റെ സ്വാതന്ത്ര്യവും പ്രാദേശിക അഖണ്ഡതയും സംരക്ഷിക്കാനും സർവശക്തനായ അല്ലാഹുവിനെക്കൊണ്ട് ഞാൻ സത്യം ചെയ്യുന്നു”
കഴിഞ്ഞ ശനിയാഴ്ച, അന്തരിച്ച അമീർ ഷെയ്ഖ് നവാഫ് അൽ-അഹമ്മദ് അൽ-ജാബർ അൽ-സബാഹിന്റെ വിയോഗം അമീരി ദിവാൻ പ്രഖ്യാപിച്ചു. തുടർന്ന്, കുവൈറ്റിന്റെ പതിനേഴാമത്തെ അമീറായി ഹിസ് ഹൈനസ് ഷെയ്ഖ് മിഷാൽ അൽ അഹമ്മദ് അൽ ജാബർ അൽ സബാഹിനെ മന്ത്രിസഭ തിരഞ്ഞെടുത്തു.
