കുവൈത്ത് സിറ്റി: കുവൈത്തിൽ പ്രവാസി കുത്തേറ്റു മരിച്ചു. അബൂഹലീഫയിൽ കെട്ടിടത്തിനുള്ളിൽ ഏഷ്യൻ വംശജനെയാണ് കുത്തേറ്റ നിലയൽ കണ്ടെത്തിയത്. ഇയാൾ മരണപ്പെട്ടതായി അധികൃതർ സ്ഥിരീകരിച്ചു. പ്രതിയെ പോലീസ് അറസ്റ്റ് ചെയ്തു. പോലീസിനെ കണ്ട ഇയാൾ ഓടി രക്ഷപ്പെടാൻ ശ്രമിച്ചെങ്കിലും ഉദ്യോഗസ്ഥർ ഇയാളെ പിടികൂടുകയായിരുന്നു.
കെട്ടിടത്തിലെ താമസക്കാരെയും പ്രദേശവാസികളെയും അധികാരികൾ കസ്റ്റഡിയിലെടുത്ത് ചോദ്യം ചെയ്തിരുന്നു. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്നും പ്രതിയെ ചോദ്യം ചെയ്ത് വരികയാണെന്നും പോലീസ് കൂട്ടിച്ചേർത്തു.
