കുവൈത്ത് സിറ്റി: പ്രവാസി വീട്ടുജോലിക്കാരിയെ തല്ലിക്കൊന്ന് പൂന്തോട്ടത്തിൽ കുഴിച്ചിട്ട കേസിലെ പ്രതിയ്ക്ക് ശിക്ഷ വിധിച്ച് കുവൈത്ത് കോടതി. ഏഷ്യൻ വംശജയായ വീട്ടുജോലിക്കാരിയെ കൊലപ്പെടുത്തിയ കേസിലെ പ്രതിയായ കുവൈത്ത് പൗരന് ക്രിമിനൽ കോടതി 14 വർഷം തടവ് ശിക്ഷയാണ് വിധിച്ചത്. ഇയാളെ മാനസിക പരിശോധനയ്ക്കു വിധേയമാക്കിയ ശേഷമായിരുന്നു വിധി.
അതേസമയം, കുറ്റകൃത്യം മറച്ചുവച്ചതിനും റിപ്പോർട്ട് ചെയ്യുന്നതിൽ വീഴ്ച വരുത്തിയതിനും ഇയാളുടെ പിതാവിനും സഹോദരനും ഭാര്യയ്ക്കും ഒരു വർഷം വീതം തടവ് ശിക്ഷ നൽകാനും കോടതി ഉത്തരവിട്ടു.
