കുവൈത്ത് സിറ്റി: സുബിയ പവർ ആൻഡ് വാട്ടർ ഡിസ്റ്റിലേഷൻ പ്ലാന്റിലെ ഒരു ഇന്ധന ടാങ്കിൽ ചെറിയ തീപിടിത്തം. തീപിടുത്തത്തെ തുടർന്ന് സ്ഥലത്ത് പുക ഉയർന്നതായി വൈദ്യുതി, ജലം, നവീകരണ ഊർജ മന്ത്രാലയം അറിയിച്ചു.
മന്ത്രാലയത്തിന്റെ ഔദ്യോഗിക വക്താവ് എഞ്ചിനീയർ ഫാത്തിമ അബ്ബാസ് ജൗഹർ ഹയാത്ത് വ്യക്തമാക്കി. പ്ലാന്റിലെ സുരക്ഷാ, സേഫ്റ്റി, എമർജൻസി ടീമുകൾ ഉടൻ പ്രതികരിച്ച് നിശ്ചിത നടപടിക്രമങ്ങൾ അനുസരിച്ച് തീ വേഗത്തിൽ നിയന്ത്രണവിധേയമാക്കി, മറ്റ് ഭാഗങ്ങളിലേക്ക് പടരുന്നത് തടയുകയും ചെയ്തു.
തീപിടുത്തത്തിൽ ആർക്കും പരിക്കേറ്റിട്ടില്ല. പ്ലാന്റിലെ യൂണിറ്റുകളും ഉപകരണങ്ങളും സുരക്ഷിതമാണെന്ന് ഉറപ്പാക്കാൻ വിശേഷ സാങ്കേതിക സംഘങ്ങൾ പരിശോധനയും സാങ്കേതിക വിലയിരുത്തലും നടത്തുകയാണ്.
അതേസമയം, വൈദ്യുതി-ജല വിതരണ സംവിധാനങ്ങൾ സാധാരണ നിലയിൽ സ്ഥിരതയോടെ പ്രവർത്തിക്കുകയാണെന്ന് മന്ത്രാലയം ചൂണ്ടിക്കാട്ടി. സേവനങ്ങൾ തടസമില്ലാതെ തുടരാൻ സാഹചര്യം തുടർച്ചയായി നിരീക്ഷിക്കുന്നതായും ആവശ്യമായ നടപടികൾ സ്വീകരിക്കുന്നതായും അധികൃതർ അറിയിച്ചു.
അടിയന്തര സാഹചര്യത്തിൽ വേഗത്തിൽ ഇടപെട്ട എഞ്ചിനീയർമാരുടെയും ടെക്നീഷ്യന്മാരുടെയും തൊഴിലാളികളുടെയും പരിശ്രമങ്ങൾക്ക് മന്ത്രാലയം നന്ദി അറിയിക്കുകയും ചെയ്തു.
